2013年10月12日星期六

► 保健小知識:關節保健之伸展運動

















肌筋膜:包括肌肉、血管、靭帶、筋腱、輕組織及相關神經系統等人體組織;提昇肌筋柔軟度,能改善血液循環、舒緩各類痛症和提高免疫力保健功效。

伸展運動是運動治療的重要一環,原理是透過科學化的手法拉長攣縮或短縮軟組織,再加上適當的阻力運動,鍛鍊深層和面層肌肉,將痛症根治。

黃光武經絡保健操中的第1式和第10式(可參考本網頁片子自行練習)是依據人體生理學而編撰,是保健操中伸展運動治療的精粹,經常練習和鍛鍊,俱上述自然療效。

並且適合勞動階層人士(包地盤、工廠、清潔和保安等行業)在開工前練習,可減低工作受傷,並且是主婦做家務、文職人員在寫字樓上班和一般人士在做運動前作的熱身運動和鍛鍊。
                                    
 伸展頸椎關節:先以拇指頂下頷,使頭部盡量仰後,稍停約2秒鐘,後頭用力向下,下頷貼近前胸,稍停約2秒鐘,反復10次;頭頂百會穴向天,頭向左轉動後,稍停約2秒鐘,後向右轉動後,稍停約2秒鐘,反復10次;右手高舉攀過頭頂掌心按左耳,微力拉頭向右伸展稍停約5秒後,左手高舉攀過頭頂掌心按右耳,微力拉頭向左伸展稍停約5秒,反復4次。 

提示:頸部上下左右二側的伸展,有牽動前後頸部經絡之功,及防治頸椎病之能。

伸展手掌關節:上肢平肩前伸,以手腕為軸,順時針及逆時針轉動各20轉。

伸展肩關節:兩臂向兩側伸開平肩,屈肘手背向天鬆腕垂掌,以肩為軸,肘臂向前及後打圈各10次,帶動肩關節轉動。兩臂直垂,以胸椎為軸,肩部向前及後打圈各10次,牽動肩胛骨的肌腱及周圍的經絡。 

提示:疏通肩部經絡,防治肩周炎。

伸展腰部關節:雙手先放在背後腰部骶骨兩旁,握拳掌背上下擺動按摩八(骨翏)穴,來回36次,然後握拳掌背按腰椎兩旁的腎俞穴,腰部前後擺動20次。提示:補腰補腎及防治慢性腰腿痛。

伸展胯部關節:雙腿分開同肩寛,膝關節微曲,挻腹雙手义髋部,中指按環跳穴,先後順時針及逆時針方向轉動各10下。                                                                         

提示:強壯泌尿生殖系統。

伸展膝部關節:雙腿分開同肩寛,膝關節微曲,雙手食指及中指緊扣左右膝眼及犢鼻穴,拇指、無名指及尾指按膝蓋的肌腱,同時向內及向外方向轉動膝關節各10圈。   
                                       
提示:疏通下肢經絡,防治膝關節疼痛。

伸展腳跟關節:取坐姿或有扶手企立,先以右腳腳跟為軸,順時針及逆時針轉動腳底各20圈,後以左腳腳跟為軸,順時針及逆時針轉動腳底各20圈。

提示:疏通腳底經絡,有助身體平衡力及日常家居生活防跌之能,防治腳跟炎及骨刺。

雙手托天、彎腰觸地:雙手先握拳放在背後腰部骶骨兩旁,掌背上下擺動按摩八(骨翏)穴,來回20次作彎腰的起動,然後雙腿分開同肩寛,雙手緩緩高舉吸氣,兩手中指凌空相對,掌心向上作托天狀,頭仰後眼朝天望,稍停約2至3 秒;後鬆首垂臂向前彎腰,雙膝關節不要彎曲,同時雙手盡量觸地呼氣,反復10次,最後1次靜止10秒鐘。提示:雙手托天牽動手少陽三焦經、手厥陰心包經和任脈,彎腰觸地牽動督脈及足太陽膀胱經等經絡,有助培養身體元氣和排毒功能,可避免及減少腰背及運動損傷各健美體型。
    
祝大家身體健康。
                                         
黃光武教練於12/10/2013撰寫

20 則留言:

  1. 見到黃光武你常常咁為人解答醫療問題,你好似好識得中醫咁,其實你本身有冇牌架?
    就算你真係有醫牌嘅話,我都想問下你自己身體係咪真係咁健康? 你自己有冇隱疾先? 你醫唔醫得好自己先? 如果你連自己嘅問題都搞唔掂嘅話,你都冇資格去教人啦.

    我就唔信你身邊嘅人個個身體冇事,你救過你身邊嘅人幾多次? 佢哋都唔信你個套啦,你唔好話我針對你,你問下自己先,呃到人呃唔到自己架.

    我向yahoo/google投訴過你好多次,我要求封咗你個網頁,點不知你仲要日日有更新,你自己反醒下啦,你只係自吹自擂自創自誇作大,我就係睇唔過眼你咁樣搞亂晒中西方醫學界嘅前途,D鬼佬唔識嘢就俾你偷到雞啫,我伯爺幾代人住喺青衣島,聽都未聽過有乜鬼經絡保養操,剩係記得你輸咗區議會選舉,你冇得做議員,你冇得撈就真啦.

    *********全世界嘅網民要小心選擇醫師,唔好輕易相信網上嘅流嘢.

    回覆刪除
  2. 黃光武已經默認冇中醫牌,即係無牌行醫.

    回覆刪除
    回覆
    1. 真的假不了,假的真不了,閣下果然是『禮義廉』,哈哈,真有趣。

      刪除
  3. 你點講冇所謂,你冇料就係冇料,你想開班賺錢冇咁易,我日日投訴到你甩褲,我要個個都知道你得把口.

    如果有住喺美景嘅老友記睇到就更加好喇,黃光武根本冇幫過你哋架,人哋個黨唔睇佢,放棄咗佢架喇,佢扮晒魚蝦蟹冇料到,如果有人撩你哋參加乜班物班嘅話,你哋就要提高警覺喇.

    我會日日爆佢以前D衰嘢出嚟,我就放長雙眼等個衰網執笠.

    回覆刪除
    回覆
    1. 你不愧為『禮義廉』的人佼佼者。
      不招人妒忌者為庸才,多謝抬舉。
      哈!哈!哈!好真有趣。

      刪除
  4. 唔緊要架你,我知道你好嬲,不過你俾我講穿晒,喱個就你做人最失敗嘅地方囉,你明知我係邊個都唔敢面對我啦,收皮啦你,虎頭蛇尾你就No.1.

    回覆刪除
  5. 教練你有無中醫牌? 如果無牌就好難教人 .

    回覆刪除
    回覆
    1. 趙滔兄:首先,多謝您的留言和查詢。
      自去年本網頁開啟至今,我多次重申表示,不是註冊中醫。
      推廣經絡保健操的主旨,是提倡自然療法,呼籲網友多做運動,和提供保健知識,盼大眾減少對藥物的依賴,使其年老時,可以健步體康,樂享天年。
      東漢有華陀無師自學,成為一代『神醫』,隋唐有孫思邈久病成醫,後被譽為『藥王』。
      黃某只想仿傚古人智慧,於萬份之一,但才疏學淺,難成大業。
      坦蕩蕩的我,個人大多數的資料,上載到網頁上。
      余出道四十餘年,成敗得失,早已看淡,被人逼迫和追擊,哪又如何呢!
      上述匿名者藏頭露尾,是我當年的政敵,其政黨有一個潛文化,若能夠成功殲滅政敵的生存空間後,可向亞爺滙報,會有豐厚的奬償。
      網絡的世界是海闊天空,若能成功封殺的話,是它的本事。
      我已經在一間社福機構的老人中心教授『黃光武經絡保健操』中,並會在月底屆滿後,會續開新班。
      若想報名觀摩,可以直接電郵給我查詢。
      黃光武教練啟

      刪除
    2. 教練你背景可能有啲複雜 , 如果咁的話校方未必會考慮邀請你參講
      不好意思

      刪除
    3. 趙滔兄:首先,多謝您的留言和知會。
      個人成敗得失,早已看淡。
      他日自有機遇。
      黃光武教練啟

      刪除
    4. 唔好扮晒大場面啦,本人親自查證到黃光武上次喺青衣島某私人屋邨大大聲話開班授徒,點知最後得返1個呀姨肯嚟上堂,喱個呀姨本來話見冇人學想要求退返錢添呀,你知啦,你俾咗錢佢就唔使旨意攞得返,只能怪自己死蠢,個呀姨後尾都表示不滿啦,佢話堂堂都係來來去去翻炒嗰幾招,簡直就係搵老襯囉,呀姨仲話佢成日借機推銷自己另外嘅水療服務喎,一聽個價就知係貴絕全香港,之後都冇人睬佢啦,乜班都冇人過問喇.

      以上全部屬實,如果黃光武話我老屈嘅話,各位老友記可以向喱個私人屋邨個會所借返晒D錄影嚟睇架,咁大家就會知道邊個至真係禮義廉喇,吹的真不了.

      美景嘅老友記就更加清楚佢為人啦,幫幫下就走咗頭,完全冇責任感,信佢一成都死.

      我歡迎黃光武攞出實質證據反駁,我睇下你仲死撐得幾耐?

      刪除
    5. 匿名仁兄 , 你無謂窮追猛打, 捏造事非 , 黃教練開一個(班)都無可能得1個學員來參與咁少啦 , 閣下真識講笑

      刪除
    6. 乜唔係呀,真係得1個女人嚟架咋,黃光武仲派咗個男巡場堂堂都守住個活動房門口唔俾人睇添呀,你話佢幾咁神神秘秘啦.

      嗱,事實就唔怕講,依家大家就睇到黃光武幾咁禮義廉啦.

      黃光武你千祈唔好咁勞氣,我好怕你會爆血管,你知啦,你嗰套經脈功夫未夠班架,你實救唔到自己,我雖然知道你已經好嬲又好頂住度氣,不過唔該你都要忍住囉.

      刪除
  6. 趙生你真係唔好再俾佢老點,冇牌就係冇牌,你可以報警添架.

    回覆刪除
  7. 黃光武已經唔敢回應我.

    回覆刪除
  8. 黃光武你聽住,你已經好失敗,我會日日嚟追住你.

    回覆刪除
  9. 黃教練你唔可以咁懦弱架
    你出下聲啦
    我雖然是你粉絲都對你好失望
    唉!!!!!!!!!!!!!!!!

    回覆刪除
  10. 小丸子:首先,多謝您的留言和愛戴。
    忍耐和懦弱,是有所不同。
    太多的回應,只會造就『禮義廉』的它向向亞爺滙報,獲利豐厚的奬償的機會。
    我現時不需要做『割肉餵鷹』的自殘舉動!
    請繼續做我粉絲吧!往後不久的日子,會看到我教學方面的影像實錄。
    黃光武教練啟

    回覆刪除
  11. 你好冇用囉黃教練
    你做保健就無謂扯埋d政治野啦
    都唔知點相信你
    你攞番d證據去證明你先得架
    咁樣搞法
    我都唔會好信你
    我男友話你影衰晒d男人
    我唔會練你嗰d保健操
    冇根據嘅野出咗事你都唔會認帳

    回覆刪除